Goierriko
Hitza 14/03/06
Sukaldaritza erraz eta osasungarria
sustatuko du D'elikatuz zentroak.
Ikastaroa antolatu dute Goierri Lanbide Eskolan,
elikadurari buruz abiatu duten kontzientziazio kanpainaren barruan.
Platera eta menu
osasungarriak egiteko ikastaroa antolatu du Ordiziako D'elikatuz zentroak.
Goierriko Lanbide Eskolan izango da, Pedro Llamas irakaslearekin, bihar hasita,
D'elikatuz bizi kanpainaren barruko lehenengo ekitaldia da. Helburua
sukaldaritzako oinarrizko ezagutza eskaintzea da. Kanpainaren sustatzailea
Ordiziako Udala da, eta babeslea Kutxa.
D'elikatuzek elikadurari eta gastronomiari buruzko
interesa piztu nahi du herritarren artean, gai horiei buruzko ezagutza
areagotzeko eta elikadura osasungarria sustatzeko. Helburu horrekin hainbat jarduera
antolatu dituzte. D'elikatuz bizi kanpainaren lehenengo jarduera elikadura
osasungarriari buruzko ikastaroa izango da. Ikastaroa Gipuzkoako bost
sukaldaritza eskoletan eskainiko dute, ekainera bitartean: Aiala (Zarautz),
Iņaki Izagirre (Irun), Cebanc Cdea (Donostia), El Txoko del Gourmet (Donostia)
eta Goierri Lanbide Eskola (Ordizia).
Sukaldaritz kurtsoaren iraupena
hilabetekoa da, eta gehienezko ikasle kopurua, berriz, 20 lagunekoa. Ikasle
guztiei ikastaroko errezetak biltzen dituen liburua emango zaie. Matrikularen
kostua bost eurokoa da.
Hiru
txandatan banatu dute ikastaroa, ekainera bitartean.
Ordutegia arratsaldeko 16.00etatik
18.30era izango da.
Izena emateko aukera badago oraindik ere.
Horretarako edo informazio gehiagi nahiz izanez gero honako telefono zenbakira
deitu daitek: 943882290 edo delikatuz@ordizia.org edo www.delikatuzbizi.com
helbidea bisitatu.
Beste egitasmo batzuk
Bi
ikastaro horietaz gain, D'elikatuzetik Gipuzkoan azterketa bat egingo dute
elikadura osasunari buruz. Ikerkuntzaz gain zabalkundea landu nahi dute.
D'elikatuz bizi Gipuzkoan barrena ibiliko da menu osasungarri eta
pertsonalizatuak eskaintzen dituen modulu informatiko batekin. Honako leku
hauetan jarriko dute ibilgailua: unibertsitate campusetan, azoka gastronomikoetan,
merkatal gune handietan...