Gabonetan ere d'elikatuz jan izenburuapean mahai-ingurua egingo dute gaur Ordiziako D'elikatuz zentroan, 19:30ean. Hizlariak Xabier Martinez sukaldari ordiziarra eta Idoia Noain dietista eta nutrizionista izango dira. Gabonetan ere ondo elikatzearen beharra azpimarratuko dute biek ala biek, eta hainbat irizpide eta aholku emango dituzte bide horretan. Hurrengo asteetan ekimen gehiago ere egingo dituzte D'elikatuzen.